Ատամնաբուժական բիզնեսի ավտոմատացում
Ատամնաբուժական բիզնեսի ավտոմատացման արդյունքում հնարավոր կլինի օպտիմալացնել և կառավարել ստոմատոլոգիական կլինիկայի բիզնես գործընթացները, վերահսկել ֆինանսական և ապրանքանյութական միջոցները, զգալի բարելավել հաճախորդների սպասարկման գործընթացը, ավելացնել վաճառքն ու շահութաբերությունը: Ստոմատոլոգիական կլինիկայում ավտոմատացված կառավարման համակարգերի ներդրումը նաև կնվազեցնի ռեսուրսների և ժամանակի վատնումը: Բժիշկները հնարավորություն կունենան լիարժեք կենտրոնանալ մասնագիտական գործունեության վրա` զերծ մնալով ֆինանսական, տնտեսական և հաճախորդների սպասարկման հարցերով զբաղվելուց: Արդյունքում, հաճախորդները կստանան բարձրակարգ սպասարկում և որակյալ բժշկական ծառայություններ: Ատամնաբուժական բիզնեսի ավտոմատացումը ենթադրում է ոչ միայն հիվանդների էլեկտրոնային քարտադարանի ստեղծում և արխիվացում, այլև բազմաթիվ այլ բիզնես ֆունկցիաներ և գործընթացներ` կապված սպասարկման, վաճառքի, ապրանքանյութական արժեքների, ֆինանսական հոսքերի վերահսկման հետ: Ատամնաբուժարանում ավտոմատացված կառավարման համակարգի ներդրման արդյունքում հնարավոր կլինի՝
- Ստեղծել հաճախորդների և պացիենտների լիարժեք և դասակարգված տվյալների բազա
- Համակարգել հիվանդների ախտորոշման, բուժման պլանավորման և բուժման ինֆորմացիան
- Արագ ստանալ և վերամշակել պացիենտին վերաբերող ցանկացած ինֆորմացիա
- Ստանալ կլինիկայի ֆինանսական ցուցանիշներին վերաբերող օպերատիվ ինֆորմացիա
- Բարձրացնել հաճախորդի սպասարկման մակարդակը, առավել հոգատար վերաբերմունք ցուցաբերել հիվանդին
- Ավելացնել եկամուտները` ինչպես նոր հաճախորդների ներգրավման, այնպես էլ՝ հաճախորդների պահպանման և կրկնակի վաճառքների միջոցով
- Բացառել որևէ ինֆորմացիայի կորուստ, որը կվերաբերի կլինիկայի աշխատանքին կամ հիվանդին:
